Transcription
1
Monsieur, j’ay receu la votre datée à Vienne du XV le XVIIe, et voy, si les novelles
2
y contenues de la mort du comte Ludovic et retraicte de son frère sont veritables, que
3
les affères s’acheminent tousjours mieulx à refroydir ceulx qui serront en volunté
4
de remuer. Je vous envoye en contrechange la letre de monsieur de Montfort
5
du VIIIe du present, par laquelle verrés qu’on tient encores en suspens
6
la novelle de la victoyre publiée de l’armée de la Ligue et la source
7
dont cest erreur (si erreur s’i treuve) est venu. Dans ce depeche est
8
ung paquet de monsieur de Saint-André, ensemble une copie de la
9
letre que je receux hyer au soir de monsegneur le duc de Savoye du
10
XIIIe, contenant l’equivoque de la prise de Magayer, qui se retira
11
de ceste ville après ce dernier bruit de Paris : voylà le secretère de
12
monsieur l’admiral qu’on disoyt avoyr esté arresté par son altesse et
13
treuvé saysi de plusieurs memoyres pour broulier delà les montz. Je
14
monstreray demeyn matin le tout à messieurs, et si j’en suys creu,
15
après les remerciementz des honestes offres, l’on remetra cela à sa
16
discretion de le relaxer ; est vray que je retarderay de fère response
17
jusques à ce que se porteur soyt de retour pour m’y guider par votre
18
melieur advis. Nous avons heu une recharge des pleyntes qu’on
19
faict des voleurs de Mens en Trièves et monsieur d’Ambrun a adjousté
20
qu’au Champsor y en a dix et huit ou vingt. Ayant comuniqué la letre
21
de monsieur Gentil escripte aux gens du roy ce matin à cinq de messieurs à la
22
messe, toutz nous sommes resolus de vous envoyer ladite letre datée à
23
Marsieu le seziesme. Quant à la letre y evoquée de maître Patras, le porteur
24
l’a egarée ; et vous prier de commander au sieur de Merieu ou Bouvert
25
d’aller jusques sur ce lieu et avec leurs forces, si elles soufisent,
26
se saysir desdits voleurs vifz ou mortz, et, s’ilz voyent que besoyn soyt,
27
permetre aux chasteleyns et consulz des lieux de les rendre fortz
28
et s’ayder à purger leur païs de ceste vermine, nous asseurans qu’ilz
29
temporisent en fesant leurs voleries à se jetter en troupe et compagnies
30
si quecung de la religion novelle s’elevoyt et dressoyt forces. Mays
31
de permetre aux communautés de s’assembler comme porte ladite letre, l’estimons
32
dangereux pour ce que la plus part sont de ladite opinion et, quant bien seroient
33
catholics, s’est une beste mal aysée à governer sans presence du
34
magistrat, mesmes qu’il semble estre de l’intention du roy, par ses dernières
35
ordonnances, qu’on n’offense plus persone que par justice ; et combien que ce soyent
36
[v] voleurs, toutesfoys ce sont huguenotz, à mon advis desbandés lorsque
37
Bernard et Columbin se retirarent et feirent le chemin que scavés.
38
Et pource que, la grace à Dieu, il ne se presente aultre chose qui
39
menasse, je finiray la presente par mes humbles recommandations à votre
40
bone grace, priant le Createur,
41
Monsieur, vous doner en santé, heureuse et longue vie. De
42
Grenoble, ce XIXe d’octobre 1572.
43
Vostre humble
44
serviteur.
45
G Deportes
46
Voyant qu’il ne se presentoyt messager et que les postes
47
ne sont dressées à ceste traverse, j’ay prié ceulx du
48
païs de vous envoyer cest home exprès.
49
Après ce que dessus escript, j’ay receu une aultre letre du XIIe
50
de monsieur de Montfort que je vous envoye aussi afin
51
que voyés comme on entend le voyage de monsieur de
52
Valance. Nous escrivons à messieurs d’Argentenant et
53
de Catinel tochant le memoyre du roy que monsegneur
54
le mareschal nous a faict tenir, et leur envoyons
55
les letres et memoyres qu’avons faict dresser
56
aux vibalifz du Bas-Daulphiné et du Boix ; si par
57
fortune lesdits sieurs s’estoient departis de vous, il
58
vous plairra ouvrir leur letre et voyr ung desdits
59
depeches, car tout est d’ung calibre.
60
Quant aux responses dont est faicte mention
61
en la letre de son altesse du capitaine Margayer,
62
elles ne contiennent aultre sinon la confession
63
de son nom et qualité et qu’il
64
avoyt sejourné en ceste ville
65
plusieurs moys, solicitant plusieurs
66
procès, et nommé les presidentz Truchon
67
et Deportes, ausquelz il s’adressoyt
68
à ses fins ; et en somme, il ne dit que
69
verité.